انا مش متدينة اوى ولا غافلة اوى ..

.انا مزيج بين الاتنين ..

يعنى ساعات بتمر عليا فترة وانا ملتزمة فيها اوى والصلاة على اول الوقت والمصحف والذكر والعبادات بتكون حلوة وممتعة كدة وطالعة من القلب وفى الغالب بكون سعيدة اوى ومرتاحة نفسيا فى الفترة دى..

وساعات بتاخدنى الدنيا وتلاقينى بعيدة اوى وقلبى وحش كده والحياة مكلكعة حتى الصلاة مابحسش بيها ولا بستمتع بادائها وفى الفترة دى بلاقى حياتى ملخبطة لخبطة غير عادية....والناس بايخة والايام مملة والدنيا ملهاش طعم كده...

وللاسف انا كان بقالى فترة على الحالة التانية دى...

وفضل ربنا بصبره وعظمته وحلمه مستنى انى ارجعله..

انى اسيب الدنيا.. انى اقبل عليه تانى.. انى اعتذر وارجع اعيطله واقله انا آسفة يارب الدنيا خدتنى ومش هعمل كده تانى.. 

بس للاسف بردو ماحصلش ..

كنت تايهة كده وغافلة ومستسلمة للدنيا اللى عمالة تبعدنى عن عباداتى شوية بشوية ...لحد ماربنا اشفق عليه وبرحمته ابتالنى باسبوع من اصعب اسابيع حياتى!!!! ...عشان ارجعله...الاسبوع اللى فات ده كان صعب عليا اوى

...فى اول الاسبوع ماتت السلحفاة اللى احنا بنربيها من اول ما بابا اتجوز ماما ...صيحينا لاقيناها ميتة ....كلنا زعلنا عليه اوى وانا افتكرت حاجة ان فى حاجة اسمها الموت كنت بقالى كتير مافكرتش فيها.. وزعلت عليها بردو بس حاولت ماديش الموضوع حجم اكبر من حجمه ..بس مافيش حاجة اتغيرت فى حياتى ..بعديها بكام يوم .....مات خالو !!..خالى الصغير..اب لاربع اطفال اطغال اصغرهم عندها 5 سنين .. كان مريض بالكبد وحالته اتاخرت  اوى وكان المفروض انى انا اللى هتبرعله بالكبد..!!  لكن الدكتور رفض لانى لسه مابلغت سن الرشد.. وده قانونا ممنوع ..زعلت انا اوى بس ربنا سهل ولقينا متبرع تانى وبعد ما كا حاجة كانت جاهزة ...ربنا مااردش.....و الله يرحمك يا خالو....وكان ده القلم اللى فوقنى بجد ..الكام يوم اللى فات كانوا من اغرب ايام حياتى...عمرى ماكنت مكتئبة كده...ببتسم فى وش الناس كعادتى بس جوايا جبل حزن وخنقة ودموع محبوسة كده مش راضية تخرج ...ماما مش موجودة فى البيت عشان هيا هناك عشان العزا..والحياة من غير ماما بتكون قميئة ومزرية ..بس احنا الحمد لله عائلة صابرة يعنى..فهمنا ان ربنا ريحه واختار الاحسن ليه وكنا بندعيله كتييير اوى ربنا يجعل مثواه الجنة..دلوقتى ماما رجعت البيت يمكن مش بروحها لكن بجسدها على الاقل =(......والامور بدات تهدا كده والناس بدات تحاول تكمل حياتها وانا كالعادة ...اتخذت موقفى التأملى وبدأت افكر ليه ربنا عمال يبتلينى كده ...والرد كان واضح صريح ...ربنا بيحبنى !!!..ايوه <ربنا> بيحبنى ....(ان الله اذا احب قوما ابتالهم)...ربنا كان حس ان غفلتى طالت وحب يرجعنى ليه ..ايوه..عشان هوا عاوزنى ..عشان.هوا بيحينى !!! ....

.

.

.

.

انا راجعالك يارب ...انا بحبك ...انا محتجالك ...انا آسفة ومش هبعد تانى =)..!!