فيكي دخلت ولا اتسألت
تهت وغرقت ليه كل ده
سايبك خلاص منك زهقت
كل الصحاب ماشين ورايا
فوقهم شايفهم كلهم جايين معايا
بنده عليهم صوتى عالى
يا خساره مش سامعين ندايا
هيوصلونى ويرجعوا
بنده عليهم اسمعوا
من جوه قلبى هتوحشونى
من غير بكا من غير كلام
من غير دموع من غير وداع من غير سلام
عشت السنين وياكو بنسى
واهو دورى جه
ايام وكل الناس هتنسى
بس اوعو تنسوا اللى خلقنا خير وشر
لحظه وهتلقو العمر مر
والدور هيجى
مفيش مفر
سر الحياه سر الوجود
جوانا آآه ملهاش حدود
نكره فى ناس بتعيش سنين
ونحب ناس زهره شباباها بتنطفى ادام عنينا
والمعنى موت
مين اللى ينسى وينسى ايه
ده انا لسه سامع ضحكتك فى ودانى رنه
شايفك فى عينى وبسمتك رايحه وجايه
لو ننسى كل الكون ملامحك مش هننسى
لو عدى بعدك الف يوم بعدك ومهما الدنيا تقسى
هتكون معانا
فى فرحنا وفى حزننا هتعيش هوانا
واللى بينسى بينسى حد براه يكون
لكن مكانك فى القلوب
بين الجفون
جوا العيون
يعنى اللى ينسى ينسى روحه
والروح عليه ازاى تهون
ازاى تهون..
